Новиот папа се соочи со првиот скандал: Кардинал тврди дека педофилијата не е кривично дело

Римокатоличкиот надбискуп од Јужна Африка Вилфред Фокс Напија кој беше еден од 115 –те кардинали што учествуваа во конклавата за избор на папа ја шокирал светската јавност со изјавата за Би Би Си дека луѓето кои како мали биле злоставувани, а подоцна како возрасни кои станале педофили не се одговорни за своите постапки.

– Ако како нормална личност решам да го прекршам законот, знаејќи дека го кршам, мислам дека треба да бидам казнет, но што е со пореметените? Мора да се проба да се излечат. Врз основа на моето искуство, педофилијата е всушност болест, а не кривично дело, изјавил кардиналот Напија.

Кардиналот рекол дека познава двајца свештеници кои како мали биле злоставувани, а потоа кога пораснале станале педофили.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.