Град Скопје испрати помош за поплавените подрачја во источна Македонија

Град Скопје синоќа испрати тим лица, техничка помош и механизација за соочување со поплавите во источна Македонија.
Испратени се три цистерни за влечење на вода од ЈП „Водовод и канализација“ и ЈП „Комунална хигиена“, едно противпожарно возило опремено со моќна пумпа за испумпување на вода, две моторни пумпи со голем капацитет за испумпување вода, чамец со мотор, како и 10.000 вреќи со песок.

Со техничката помош на терен во поплавените делови испратена е и екипа од пет пожарникари од Противпожарната бригада на Град Скопје, како и поголем број лица од Штабот за заштита и спасување на Град Скопје, како и од јавните претпријатија.

Штабот за заштита и спасување на Град Скопје информира дека ќе ја следи состојбата на терен и доколку има потреба ќе испрати дополнителна помош.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.