Дел од Албанија под вода

Излеани реки, поплавени куќи и земјоделски површини, евакуирани цели семeјства. Ова е сликата за јужниот дел на Албанија, каде поради обилните и интензивни врнежи од дожд под вода е речиси целиот јужен дел. Шемси Пренчи, шеф на Кризниот штаб потврди дека состојбата е навистина критична, јави дописникот на МИА од Тирана. ­ Од коритото се излеани реките Вјоса, Дрино, Осум и Ѓаница, и поплавија цели подрачја во Валона, Ѓирокастро, Тепелена, Пермет и Фиер. Во општина Новосело и Берат евакуирани се стотина семејства, а ќе бидат евакуирани уште толку со полициски хеликоптери, објави онлајн изданието на весникот „Шекули“. Поплавени се над 500 хектари земјоделски површини и неколку стотина куќи, има непроодни локални патни правци, големи подрачја се без електрична енергија од синоќа. Поради снегот пак проблеми има во одвивањето на патниот особраќај на национланиот пат Корча­Ќаф Ќар­Воскопока­Дард, како и на граничните премини Горица и Ќафасан, на албанско­македонската граница. Проблеми снегот содададе и во подрачјето на Голо Брдо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.