Северна Кореја подготвена и за нуклеарна војна

Севернокорејскиот лидер Ким Џонг Ун изјави денеска дека неговата земја е подготвена да се бори во секаква војна, па и нуклеарна.

Воздухопловните сили и морнарицата на Северна Кореја вежбаа ненадеен напад на носач на авион од замислен непријател, пренесе агенцијата ТАСС.

„Силите на севернокорејската војска изведоа „интензивни воени вежби во кои се обидоа да уништат имагинарна група носачи на авион на агресивните сили на американските империјалисти“, се наведува во соопштението кое го објави севернокорејската агенција КЦНА.

– Можноста американски носач на авиони да биде потопен на дното на морето е многу веројатна, истакна Ким за време на вежбите, кои ги надгледуваше во придружба на голем број севернокорејски воени команданти.

Тој рече дека не доаѓа предвид да седат додека покрај нив „бесни кучиња лаат дека ќе го урнат севернокорејскиот режим со тоа што ќе воведат промени во социјалистичкиот режим, кој на народот му е поважен отколку сопствениот живот“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.