Коморовски со признание за советските ослободители на Аушвиц, но потсети и на масакрот во Катин

Полскиот претседател Бронислав Коморовски денеска изрази почит и признание за советските војници кои го ослободиле нацистичкиот концлогор Аушвиц-Биркенау.

– Полска со уважување се потсетува на војниците од Црвената армија, кои го ослободиле логорот, соопшти Коморовски на церемонијата по повод 70-годишнината од овој настан.

Тој потсети дека на тоа „место жестоко беа убиени над еден милион лица, главно Евреи, но и Полјаци, Роми и советски воени заробеници. Аушвиц-Биркенау – тоа е предупредување за неопходноста од почитување на правото на луѓето на слобода и самопочит“.

Истовремено, полскиот претседател како да стави знак на еднаквост меѓу двата тоталитарни система – германскиот нацизам и советскиот комунизам, забележуваат француските медиуми. Тој потсети на масакрот во Катин, кога илјадници претставници на полската елита беа егзекутирани од советските тајни служби.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.