Американскиот новинар Барет Браун, кој пишувал за хакерската група „Анонимни“ и беше неофицијален портпарол на групата, вчера во Далас, Тексас, осуден е на 63 месеци затвор.
Процесот против 33 годишниот Браун, кој беше уапсен во 2012 година ги мобилизира активистите за слобода на медиумите. Првично тој беше обвинет за соработка со хакерите, но подоцна беше прогласен за виновен по помали обвиненија. Браун треба да плати и казна од 890.000 долари.
САД на неправедноста: Барет Браун е осуден на 63 месеци во федерален затвор“ напишаа „Анонимните“ на Твитер, како и „Ослободете го Барет Браун“. Браун кој работеше за „Хафингтон пост“ и за „Венити феар“ ја поддржувал групата „Анонимуси“. Процесот против него почна откако ги објави линковите за информации од фирмата за безбедност „Статфор“ во 2011 година. Тој истакна дека тој е осуден поради копирање и објавување на јавно достапен линк, како и другите новинари кои го распространија, без да бидат судени.
И „Репортери бе граници“ побараа казната за Браун да не биде поголема од времето што тој го помина во притвор или 30 месеци.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
