Пентагон го зголеми нивото на безбедност во базите на САД во Европа

Пентагон нареди зголемување на нивото на безбедност во американските воени бази во Европа по нападите во Париз, што, според негови претставници, е само превентивна мерка и нема разузнавачки податоци за конкретна закана.
Американското министерство за одбрана одби да изнесе повеќе податоци за какви безбедносни мерки станува збор. Според аналитичарите тоа може да вклучува проверка по случаен принцип на луѓето што влегуваат во базите или распоредување дополнителен персонал на контролните пунктови.

Нема индикации дека исламски екстремисти земале како цел семејства на американски војници или персонал во Европа, изјави Хејгел, додавајќи дека нема разузнавачки податоци за такво нешто.
Хејгел нагласи дека ја поддржува одлуката на главниот командант на силите на НАТО во Европа, генерал Филип Бридлав.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.