Утре без електрична енергија ќе останат корисниците од повеќе делови од Скопје и Скопско.
Како што соопшти Регионалниот центар за управување со кризи на Град Скопје, по известувањето добиено од ЕВН Македонија АД, за технички зафати во електро-системот од 08:30 до 10:30 часот без струја ќе бидат корисниците на дел од ул. Христо Татарчев (во околината на сервисот Мечкаров), од 08.30 до 14.30 часот корисниците од ул. Христијан Тодоровски Карпош како и потрошувачите од улиците Цветан Димов, Љуба Ивановиќ, Груица Војвода, Никола Петров и 2-ра Македонска Бригада.
Без електѕрично напијување од 08.30 до 11.30 часот ќе бидат корисниците од улиците Казанџиска, Битпазарска, Макарија Фрчковски, Јорганџиска, Лазар Танев и Подграѓе, потоа дел од Старата скопска чаршија и стоковната куќа Илинден, а од 09.00 до 15.00 часот дел од ул. 100 во Волково и во време од 09.00 до 10.00 часот потрошувачите од с. Моране.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
