Честитка од Груевски до Поглаварот на МПЦ-ОА г.г. Стефан за христијанскиот празник Водици

До Поглаварот на Македонската Православна Црква – Охридска Архиепископија, Архиепископ Охридски и Македонски г.г. Стефан, премиерот Никола Груевски упати честитка по повод големиот христијански празник, Богојавление – Водици.

„Прославувањето на оваа света тајна на христијанството е длабоко врежано во вековната православна традиција, во нашето живеење во верата и богоугодниот пат. Токму затоа, секоја година со радост го прославуваме овој голем празник, присетувајќи се на потребата од силна верба и покајание, од чиста мисла и трпение. Денес, прославувајќи го големиот празник да се помолиме за нашите семејства, нашите блиски и нашата држава. Да се помолиме за топлина, надеж и чистина на душата во секој од нас. Нека Бог ги чуе нашите молитви и нека ја благослови нашата земја, водите кои течат низ неа и сите наши граѓани.Ви посакувам бериќетна година исполнета со многу здравје и успех ! “, се вели во честитката на Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.