Денеска е Богојавление-Водици

Во Македонија денеска православните верници го слават Богојавление, празник поврзан, според верувањата, со крштевањето на Исус Христос во водите на реката Јордан. Водици или Богојавление — денот на кој според христијанското предание Св. Јован Крстител го крстил Исус Христос во реката Јордан. Се прославува на 19 јануари кај црквите што го користат јулијанскиот календар (вклучувајќи ја и македонската), а на 7 јануари кај црквите што го користат грегоријанскиот календар). Со тоа му се дава значење на крштевањето како една од повеќето свети тајни на христијанството. Крштевањето значи и духовно раѓање, односно почеток на човековото живеење во верата. Затоа кумот се смета за духовен родител на крстениот и најблизок роднина. Со овој празник завршуваат не само дванаесетте т.н. Некрстени денови туку и циклусот зимски празнувања во кој спаѓаат уште и свеченостите поврзани со Бадник, Божик, Нова Година (Василица) и сл.

Oколу 120 граѓани годинава ќе се обидат да го фатат светиот крст што денеска напладне во реката Вардар во Скопје ќе го фрли архиепископот Охридски и македонски г. г. Стефан.

Освен во Скопје, крстови ќе бидат фрлени и во водите во другите градови во земјата, a најголема манифестација ке биде организирана во Охрид.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.