Штрајкот на СОНК без поддршка од образовните и културни организации во Крушево

Настава од второто полугодие во двете основни и во гимназијата во Крушево ќе почне редовно на 20 јануари, изјави денеска градоначалникот на Крушево Ѓорѓи Дамчески, по одржаниот координативен состанок со директорите на образовните и на културните институции во градот.

– Во двете основни училишта „Никола Карев“ и „Кирил и Методиј“ и во гимназијата „Наум Наумоски Борче“ се е подготвено за почетокот на второто полугодие во вторник на 20 февруари. Обезбедени се сите услови, а на состанокот на основните организации на СОНК во училиштата, во градинката, во Домот на културата и во крушевските музеи е донесена одлука да не се поддржи најавениот генерален штрајк на СОНК. Нема никакви пречки за одржување на наставата од второто полугодие – изјави Дамчески.

Во двете основни училишта и во гимназијата второто полугодие ќе почне за преку 1000 ученици.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.