Василичарски оган по 19 пат запален во Мичурин

Вечерва 19 пат по ред се запали василичарскиот оган во скопската населба Мичурин каде се слави големиот христијански празник Василица, објави Канал 5.

Традицонално свештениците ја осветија погачата и се помолија за здравје и бериќет на сите присутни на манифестацијата. Потоа се делеа парчиња на 20-тина граѓани, меѓу кои и градоначалникот на Скопје Коце Трајановски и на населбата Аеродром Ивица Коневски, но најсреќен годинава ќе биде Ѓорѓи Гаштаров – кој е претседател на здружението на граѓани Мичуринска средба.

Тој оваа година го презеде кумството и ќе биде организатор на следната манифестација догодина. На крај се запали и василичарскиот оган. Граѓаните се затоплија со чашка греана ракија или чај, но и со музика и забава која ќе трее и по полноќ. Манифестацијата Мичуринска средба и оваа година е поддржана од општината Аеродром.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.