Нов претседател на Управниот одбор на ЕВН Македонија е Штефан Петер, а негов заменик е Харалд Дамерер. Тие на овие позиции доаѓаат по истекот на договорите на претходниот менаџерски тим Вернер Хенгст и Волфганг Шефер.
Штефан Петер има завршено студии за менаџмент со технички проекти и процеси, а на Универзитетот во Виена и Универзитетот за бизнис и економија во Минесота завршил МБА студии. Својата кариера во ЕВН ја почнал во 2001 година во одделот за набавки. По двегодишно раководење на одделот за набавки на ЕВН Бугарија, Петер е назначен за менаџер на одделот за набавки во ЕВН АГ во септември 2007. Тој во 2010 станува прокурист на EВН АГ, а во септември 2012 година дополнително e назначен за директор на Кабелплус, телекомуникациска компанија на ЕВН Групацијата.
Хaралд Дамерер има дипломирано на техничка школа за техничко инженерство, а во 2012 година има завршено и МБА студии. Дамерер е вработен во ЕВН во 1989 година и има дипломи за инженерство во електротехника и гас/вода. Истовремено има управувано со повеќе кориснички енергоцентри во Австрија, а бил и ментор при воспоставувањето на КЕЦ структурата на ЕВН Бугарија.
Како трет член на Управниот одбор на ЕВН Македонија и натаму останува Игор Гиевски, кој на оваа позиција е назначен од септември 2010 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
