За повеќето двојки, заедничкиот живот е почеток на посериозен однос. Иако заедничкиот живот може да звучи многу романтично, тој често е повод и за бројни кавги и проблеми.
Двојките поради нередот во станот во просек се караат 32 пати годишно, односно секои 11 дена, пренесува Дејли Меил, повикувајќи се на британско истражување, спроведено на примерок од 2000 лица. Според ова истражување, на партнерот или партнерката најмногу се забележува чувањето непотребни работи.
Така жените на мажите најчесто им приговараат за чување на опремата за фитнесцентар иако веќе долго време не ја користат, потоа што чуваат расипана техника и непотребен алат.
Од друга страна, мажите забележуваат тоа што жените прават купови од облека, предмети за домаќинството и дребулии кои не служат за ништо.
Поради честите кавги и неможноста да се најде компромис, дури десет отсто од двојките одлучуваат да ја прекинат врската.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
