Потсетувајќи се на сликата на Венгер додека седи на клупата на Монако и пуши во тек на еден натпревар, многу навивачи мислат дека овој негов потег е лицемерен.
Сепак, многу работи се променија од тој период додека тренерите слободно пушеа за време на меч. Спортот отиде толку далеку што сега многу се следат здравјето и кондициската подготовка на спортистите.
Во врска со тоа е и скандалот во Арсенал во последните денови кога голманот Шчесни е фатен како пуши во клупската бања. Не така одамна излезе и слика на Џек Вилшер како држи цигара в рака.
Информациите од Англија говорат дека менаџерот на Арсенал, Французинот Арсен Венгер, јасно ги поставил новите правила и вовел потполна забрана за користење цигари во клупските простории.
Секој фудбалер што ќе биде фатен во просториите на клубот или кога има клупски обврски, веднаш ќе биде прекомандуван да тренира со младинскиот состав до крајот на годината!
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
