Ова се напаѓачите кои убија 12 новинари во Париз (фото)

Француската полиција идентификуваше три вооружени лица кои извршија масакр во редакцијата на сатиричниот весник Чарли Ебдо, јавуваат француските медиуми.

Напаѓачите се француски државјани, едниот има 18, вториот 32 и третиот 34 години, пишува Метро. Двајца од нив се браќа. По нив трагата полицијата со сите расположиви ресурси во и околу Париз, а се приклучи и армијата. Нивните имиња сè уште не се објавени.

За браќата се наведува дека се родени во 10 Аrrondissement (област) во Париз и се викаат Саид и Шериф Куачи. Најмладиот напаѓач, Хамид Мурад, е бездомник. Тој последен пат е забележан во училиште во Ремс академија во областа на Шарлвил­ Мезирес, јавува Метро.

Еден од тројцата терористи, Шериф, и е добро познат на полицијата. Во 2005 година одговарал пред Судот за регрутирање на џихадисти да се борат во Ирак. Во периодот од 2003-­2005 година испратил десетици млади муслимани во смрт во Ирак, а бил уапсен во моментот кога и самиот се подготвувал да тргне во џихад. Тогаш е осуден на три години затвор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.