Американската алпска скијачка Миакаела Шифрин е победник на слаломот возен над Загреб на Сљеме. Таа беше супериорна во однос на конкуренцијата и победи во двете трки со вкупно време од 1:56,66 минути и со предност од цела минута и 68 стотинки зад себе ја остави австриската скијачка Катрин Цетел. На третото место се пласираше Норвежанката Нина Лосет која заостана неверојатни 2,79 секунди.
Младата 20.годишна Шифрин ова и е 13 победа и има дури 20 подиуми во кариерата.
Во борбата за малиот кристален глобус во слалом води Швеѓанката Фрида Хансдотер со 320 поени со само еден бод предност во однос на Шифрин, а на третото место се наоѓа Тина Мазе со 294 бода која води во вкупниот генерален пласман за сите дисциплини.
Мазе во вкупниот поредок досега собра 777 поени, пред Шифрин со 545 и Ана Фенингер со 487 бода.
Следната трка во женска конкуренција е во Бад Клајкирхејм на 11 јануари, а ќе се вози спуст, додека мажите веќе утре ќе настапат на Сљеме истотака во слалом.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
