Утре бесплатно скијање на Попова Шапка

„ЕЛЕМ турс“ и скијачкиот центар „Попова Шапка“ објавија дека од утре (среда, 31 декември), почнува новата скијачка сезона на Попова Шапка со бесплатно скијање за сите посетители. Спроведени се сите технички подготовки и активности за непречен почеток и тек на претстојната скијачка сезона, а во текот на вчерашниот ден заврши уредувањето и обележување на постојните патеки.

 Во ски-центарот е воспоставено комплетно улично осветлување, кое почнува од хотелот „Попова Шапка“ до жичницата Син Врв, потоа продолжува  покрај ски-патот и ски-лифтот „Мал Јелак“  и завршува пред манастирот „Свети Наум Охридски“.  За таа намена, се поставени осум нови столбови со што  целосно е осветлен теренот за ноќно скијање. За утрешното отворање на сезоната во функција ќе бидат ски лифтовите Аеродром и Ге. 

Од 1 јануари ќе  важат вообичаените цени за ски-билети. Целодневниот  ќе се продава по цена од 900 денари,  полудневниот  билет е  600 денари, а  ноќното скијање ќе  чини  500 денари.  За младите скијачи до 12-годишна возраст  билетите ќе чинат 400 денари, а цената на сезонскиот билет останува  10.000 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.