„Струшки вечери на поезијата“ станаа дела од платформата „Версополис“

Версополис е европска поетска платформа што создава можности за откривање на европските поети и е поддржана од програмата Креатива Европа на Европската комисија.

Денес во Европа има извонредни млади поети кои пишуваат на сите јазици, но често остануваат непознати надвор од границите на јазикот на кој пишуваат. Целта на Версополис е да го промени тоа, создавајќи единствена платформа, која ширум Европа ќе им даде на младите поети шанса да станат интернационално афирмирани.

Оваа година 11 познати поетски фестивали од Европа неколку месеци вредно работеа на подготовките на првата и единствена литературна платформа во која е прифатена и поддржана од програмата Креативна Европа на Европската комисија. Со почетниот состанок на партнерите во рамките на платформата, кој се одржа на 8-ми и 9-ти Декември во Љубљана, заедно со проект-координаторот Белетрина Академик Прес, која воедно е и организатор на Фестивалот на поезија и вино, ги договорија сите преостанати детали. Со тоа и официјално започна функционирањето на платформата ВЕРСОПОЛИС.

Во првата година Версополис, ќе го промовира творештвото на 55 поети, обединето под мотото „каде што живее поезијата“, заедно со 11-те поетски фестивали, кое ќе бидат во улога на книжевни промотори и издавачи во европскиот книжевен простор. Платформата Версополис ги вклучува следните кижевни/поетски фестивали:

АРС ПОЕТИКА (ARS POETICA),Братислава, Словачка;
ИНТЕРНАЦИОНАЛЕН ПОЕТСКИ ФЕСТИВАЛ ЏЕНОВА (Genoa International Poetry Festival)Италија
ЛИТФЕСТ- УМЕА ИНТЕРНАЦИОНАЛЕН ЛИТЕРАТУРЕН ФЕСТИВАЛ( ŮMEÅS INTERNATIONELLA LITTERATURFESTIVAL), Шведска;
ГРАДСКИ КУЛТУРЕН ИНСТИТУТ (INSTYTUT KULTURY MIEJSKIEJ (CITY CULTURE INSTITUTE),Полска;
ЛЕДБЕРИ ПОЕТСКИ ФЕСТИВАЛ (LEDBURY POETRY FESTIVAL) Велика Британија.
СТРУШКИ ВЕЧЕРИ НА ПОЕЗИЈАТА (STRUGA POETRY EVENINGS), Македонија;
ДРУСКИНИНКАЈ ПОЕТСКА ЕСЕН (POETINIS DRUSKININKŲ RUDUO (DRUSKININKAI POETIC FALL)), Литванија;

ФЕЛИКС ПОЕТСКИ ФЕСТИВАЛ (FELIX POETRY FESTIVAL – Poëziecentrum), Белгија;
ГОРАНОВАТА ПРОЛЕТ (GORANOVO PROLJEČE (GORAN’S SPRNG)), Хрватска;
ФЕСТИВАЛ ЛИТЕРАТУРА И ВИНО (LITERATURE & WINE FESTIVAL)Австрија;
ДЕНОВИ НА ПОЕЗИЈА И ВИНО – (DNEVI POEZIJE IN VINA (DAYS OF POETRY AND WINE)), Словенија.

Версополис ќе помогне авторите кои веќе се етаблирани во нивните матични земји да го распостраната и своето поетско творештво надвор од границите, и како прва и најзначајна цел е да бидат промовирани европските поети и нивното творешво, и да биде создадена блиско поврзана поетска заедница.

На состанокот во Љубљана членовите на платформата ги определија и сите прецизни детали пред Версополид да ја пушти веб-страницата, во Март 2014 година, и пред да биде промовирана во јавноста на првиот фестивал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.