Груевски: Германски „Костал“ влегува во охридско-струшкиот регион, 1.000 нови вработувања

Она што го ветив пред јавноста на 25 март 2014, дека ќе има инвестиција во охридско-струшкиот регион се официјализираше финално. Германската компанија „Костaл“ објави инвестиција и 1000 нови работни места. Илјада нови вработувања за охриѓани и стружани. Вие знаете дека може да верувате на нашиот збор, дека се реалност и имаат корист за народот.
По Гентерм и Капкон, Костaл е трета инвестиција во само седум дена. Објава за 2500 нови работни места за само една недела. Нашата борба за секое ново работно место продолжува – стои на фејсбук фан-страницата на премиерот Никола Груевски.

Германска компанија „Леополд КОСТАЛ“ објави дека планираната браунфилд инвестиција ќе започне на почетокот на 2015 година, а ќе премине во гринфилд инвестиција во 2017-2018 година. Инвестицијата ќе биде во охридско-струшкиот регион.

На почетокот ќе се произведуваат мехатронички производи и ќе отвори 1.000 работни места, со можност за понатамошен раст.

– Планот на „КОСТАЛ“ да инвестира во Охрид е резултат на нашата стратегија за раст и посветеност на сите наши потрошувачи во светот со тоа што ќе им обезбедиме производи со врвен квалитет, технологија и цена, вели г-дин Кристофер Сандерс, заменик-извршен претседател за координација на ограноци на „КОСТАЛ“.

Еве го обраќањето на Груевски од март годинава кога ја најави инвестицијата во Охридско-струшкиот регион.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.