Новак Ѓоковиќ сака да стане татко

Познатиот тенисер Новак Ѓоковиќ,покрај своите профили на „Фејсбук“ и на „Твитер“, си направил и профил на кинеската друштвена мрежа „Weibo“.
Профилот кој тенисерот го направи на почетокот на минатиот месец до денес брои околу 200.000 фанови, што е доказ дека Ѓоковиќ е популарен и меѓу Кинезите. И ако другите светски ѕвезди немаат практика да одговараат на прашањата на своите фановите, ова не е случај и со српскиот тенисер. Тој со задоволство одговорил на повеќето прашања што му ги поставиле неговите обожаватели. Дел од нив биле поврзани со неговата кариера.
Покрај прашањата поврзани со неговата работа, имало и такви што се поврзани со неговиот приватен живот. На прашањето како тој се гледа во блиска иднина одговорил:
„Во иднина искрено се гледам во улога на татко. Со мојата свршеница сериозно размислуваме на оваа тема“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.