Хрватските медиуми објавија интересна информација, преку која најавуваат дека тренерот на Металург, Лино Червар, е најсериозен кандидат за селектор на женската репрезентација на Хрватска.
Владимир Чањуга веќе поднесе оставка на оваа позиција по дебаклот на Хрватска на домаешен терен и елиминација по стартната фаза на Европското првенство, кое е во тек.
Според „Индекс. хр“, Червар само чека повик од раководството на ХРС за да го превземе кормилото.
„Поранешниот селектор на нашата машка селекција со кого за последен пат Хрватска освои злато на СП и на олимписки игри, ги живее најтешките моменти во кариерата во Металург. Клубот веќе не е стабилен на финансиски план, го напуштија неколку квалитетни ракометари, а и самиот Червар најави дека сака да се врати дома и дека е подготвен за нови предизвици“, стои во информацијата што ја објави хрватскиот портал.
Според „Индекс. хр“ кандидати за нов селектор на Хрватска се и Смајлагиќ, Дворшек, Зовко и Мрѓен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
