Роналдо со два гола за победата на Реал

Кристијано Роналдо беше стрелец на два гола во убедливата победана Реал Мадрид против Алмерија во првиот меч од 15.коло на
фудбалскиот шампионат на Шпанија.

Првопласираната екипа во Примера, Реал, до трите бодови стигна со победата од 4:1 на гостувањето кај Алмерија. Головите на „Кралевите„ ги постигнаа: Иско (35минута), Герет Бејл (42) и два гола постигна Кристијано Роналдо (81 и 88).

Голот за домаќините го постигна Верса во 39минута, а истиот фудбалер во 65минуте не успеа да реализира пенал. По четири натпревари ќе се играат денеска и утре, а колото ќе биде комплетирано во понеделник.

Двојките се: (сабота) Гетафе – Барселона, Валенсија Рајо Ваљекано, Кордоба Леванте, Малага Селта Виго (недела) Еспањол – Гранада, Севиља – Еибар, Атлетико Мадрид – Виљареал, Сосиедад Атлетик Билбао и (понеделник) Депортиво Ла Коруња – Елче.
Табела: Реал Мадрид 39 бодови (+1 натпревар повеќе), Барселона 34, Атлетико Мадрид 32, Севиља 29, Валенсија 25, Виљареал 24, Малага 24.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.