Кина денеска ги обвини САД за клевета, лицемерство и за двојни стандарди во областа на човековите права, по изразувањето загриженост од американскиот државен секретар Џон Кери и амбасадорот на САД во Пекинг поради состојбата со човековите права во Кина.
Кинеското Министерство за надворешни работи, портпаролот Хонг Леј изјави дека Вашингтон е виновен за расни предрасуди, тортура и за други сериозни кршења на човековите права, очигледно алудирајќи на извештајот на Сенатот на САД за тортурата на притворените осомничени за тероризам.
Хонг нагласи дека САД немаат никакво право да се прогласуваат за судии во оваа област и даваат неодговорни забелешки на други држави.
Во своето соопштение по повод вчерашното одбележување на Меѓународниот ден на човековите права Џон Кери меѓу политичките зтавореници низ светот кои се заложиле за промовирање на слободата го наведе и кинескиот дисидент и добитник на Нобелова награда за мир Љу Сјаобо.
Американскиот амбасадот во Кина Макс Баукус, меѓу другото, ја повика Кина да ги ослободи Луи и неговата сопруга, која се наоѓа во домашен притвор, како и ујгурскиот научник Илхам Тохти и двајца познати адвокати.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
