Честитка од ВМРО – ДПМНЕ за празникот „Св. Климент Охридски“

ВМРО-ДПМНЕ на граѓаните на Република Македонија им го честита големиот христијански празник – Св. Климент Охридски.

– Денес го чествуваме светото дело на големиот просветител Св. Климент Охридски, најголемиот ученик на светите браќа Кирил и Методиј. Неговото вонвременско дело, азбуката Кирилица, денес не е само дел од македонската културна ризница, туку е дел и од многу други словенски народи, дел од европските и светските универзални вредности – стои во честитката од ВМРО – ДПМНЕ.

Неговиот придонес во зачувувањето на културните традиции и идентитет, се подвлекува, е огромен, дотолку повеќе што почнал да се шири токму од тука, од Македонија и Охрид, во целиот свет.

– За нас тоа е огромна чест и гордост, но и обрвска секоја идна генерација да го чува и шири духот на неговата мисија за споделување со светот на нашетите традиции, духовно и културно богатство – стои во честитката од ВМРО-ДПМНЕ за христијанскиот празник Св. Климент Охридски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.