Државата продава земјиште за Филмски град во Зелениково

Државно неизградено земјиште во општина Зелениково ќе се продава по пат на електронско јавно наддавање за изградба на Филмски град.

Градежната парцела е со површина од 157.276 метри квадратни и почетната цена на јавното наддавање ќе изнесува 110 денари за метар квадратен.

Јавното наддавање, како што информира денеска Министерството за транспорт и врски, ќе се одржи на 6 февруари на интернет-страницата www.gradezno-zemjiste.mk, а пријавите за учество треба да се достават најдоцна до 2 февруари.

Најповолниот понудувач ќе треба да изгради едно големо и едно средно филмско студио, четири објекти за сместување на филмската техника и реквизити, за аудио и видео продукција и една административна зграда.

Право на учество имаат домашни и странски физички лица и компании.

Целосниот текст на јавната објава може да се прочита на интернет-страницата www.mtc.gov.mk.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.