Врнежите од дожд што во текот на ноќта го зафатија кумановско предизвикаа излевање на реките Слупчанка и Матејчанка.
Регионалниот центар за управување со кризи информира дека реката Слупчанка поплавила подрумски простории на околу 10-тина куќи во селото Опае и оти во моментот се преземаат мерки за санирање на последиците. Оттаму додаваат дека излеаната вода почнала да се повлекува.
Покрај реката Слупчанка, од своето корито се излеала и реката Матејчанка поплавувајќи обработливи земјоделски површини.
Синоќа на подрачјето на Куманово наврнале 14,8 литри дожд на метар квадратен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
