Дојде струја, па сега на светло се смрзнуваме

По четири дена во мрак, српското рударско градче Мајданпек доби струја, но вода и греење жителите се уште немаат.

– Дојре струја, па сега на светло се смрзнуваме – вели за српски „Блиц“ еден жител.

Вонредната состојба поради силниот ветер и замрзнатиот дожд што го зафати северот на Србија е укината, но животот е далеку од нормален.

Училиштата се уште не работат, а јавните служби работат со скратено време.

Околу 7.500 граѓани, колку што денес живеат во Мајданпек, вода, леб, тоалетна хартија, пелени и конзервирана храна добиваат од Црвениот крст.

– Далеку сме од нормален живот. Очите не болат од мракот. Нозете и понатаму ни се смрзнати, а се грееме на свеќи – раскажува продавачка за весникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.