„Три студии на Лусијан Фројд“ продадени за 142,4 милиони американски долари

Познатото дело, триптихот „Три студии на портретот на Лусијан Фројд“ на Френсис Бејкон, од 1969 година е продадено од аукциската куќа Кристис за 142,4 милиони долари со што и го надмина досегашниот рекорд во продажба на уметничко дело на аукција кој досега го држеше делото „Крик“ на Мунк. „Крик“ истата аукциска куќа минатата година го продаде за 119,9 милиони долари.
Триптихот на Бејкон досега не бил понуден за продажба. На него е насликан пријателот на Бејкон, внукот на славниот психоаналитичар Сигмунд Фројд. Пред оваа продажба најскапото дело на Бејкон чинело 86 милиони долари, пред глобалната рецесија која го погоди пазарот на уметничките дела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.