Американские гласачи сакаат да почувствуваат „мирис на нови автомобили“ во трката за Белата куќа во 2016 година, тврди претседателот Барак Обама, а таа нова кола по него е Хилари Клинтон, за која истакнува дека би била одличен претседател ако реши да се кандидира.
Во интервјуто за емисијата „Оваа недела“ на телевизијата „Еј-Би-Си“, Обама истакнал дека гласачите се заинересирани за некој кој зад себе нема „толкава километража“ како тој и прашал кој ќе ја „сврти страницата“. Според него, има повеќе потенцијални кандидат на Демократската партија кои би можеле да бидат одлични претседатели на САД, но од сите нив со име ја навел само Хилари Клинтон, за која признава дека не се согласуваат по сите прашања.
Клинтон е една од моќните лидери на Демократска партија со богата историја во политиката. Откако беше прва дама во сојузната држава Арканзас, за време на двата претседателски мандати на нејзиниот сопруг Бил Клинтон, беше прва дама на САД, а по истекот на мандатот беше избрана за сенатор.
Откако Демократската партија го номинираше Обама во 2008 година наместо неа за претседателски кандидат, таа се истакна како државен секретар на САД за време на првиот мандат на Обама.
Според анкетите, Хилари ужива најголем углед од сите потенцијални претседателски кандидати на демократите вклучувајќи го и сегашниот потпретеседател Џозеф Бајден, кој не ја исклучува можноста по трет пат да се обиде да влезе во Белата куќа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
