Го шие и Маленко- петти брак за легендарниот фудбалер

Поранешниот фудбалер и тренер Лотар Матеус се ожени со својата девојка Анастасија Климко со која пред неколку месеци доби и син. Цермонијата се одржала во Словачка, а на истиот ден го крстиле и нивниот син Милан.

Ова е петти брак за некогашниот број еден фудбалер според ФИФА.

– Се надевам дека Анастасија е мојата последна жена – се пошегувал тој во гермаснки „Билд“.

Со првата жена Силвија, Матеус се ожени во 1981 година, а се разведил 11 години подоцна. Потоа кратко беше оженет со швајцарската водителка Лолита Морена, за четири години да биде во брак со српската старлета Маријана Матеус.

Во 2008-мата се ожени со 25 години помладата украинска манекенка Кристина Лилијана Чудинова.

Од петте брака, 53-годишниот Германец има четири деца.

Матеус беше тренер на фудбалскиот клуб Партизан, како и селектор на унгарскиот и на бугарскиот национален тим.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.