Поранешниот италијански премиер Силвио Берлускони e хоспитализиран во Милано, во болницата „Сан Рафаеле“ со дијагноза увеитис, вид окуларна инфламација.
Според неговиот личен лекар Алберто Жангриjо, 77-годишниот политичар одамна страда од оваа болест, но сега состојбата се влошила. Во саботата, Берлускони се појавил на промоцијата на книгата со темни очила, објаснувајќи дека левото око му солзи.
– Онаа проклета статуетка, поради која загубив четири заба и речиси ослепев со едното око – рекол Берлускони, потсетувајќи на инцидент од декември 2009 година кога беше погоден од неа.
Најверојатно, сегашното воспаление се должи на тогашниот инцидент.
Берлускони беше во болница за воспалението и во март 2013 година. Хоспитализација била оправдана причина да не се појави во судот за случајот „Руби“, во кој тој беше обвинет за секс со малолетно девојче и злоупотреба на власта.
Се очекува италијанскиот политичар да остане во болница најмалку една недела.
Во меѓувреме, Берлускони продолжува да ја издржува казната и еднаш неделно помага на возрасни луѓе кои страдаат од Алцхајмерова болест, во старски дом во Милано.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
