Лидерот на српските радикали Воислав Шешељ денеска околу 13 часот треба да слета во Белград. На аеродромот ќе го пречека семејството и потесното раководство на партијата, пренесува весникот „Блиц“.
Официјална церемонија за добредојде, што веќе е пријавена во полиција, ќе се одржи во сабота на Плоштадот на републиката.
Шешељ е обвинет за воени злосторства над Хрвати и Бошњаци во Хрватска и Босна и Херцеговина и над Хрвати во Војводина.
Во 2003 година тој доброволно се предаде на Хашкиот трубунал. Во текот на судскиот процес Шешељ често имаше испади во судницата, а поради објавување имиња на заштитени сведоци, беше обвинет за непочитување на судот.
Шешељ е пуштен на привремена слобода поради влошената здравствена состојба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
