По трикратното убиство, Кавадарци под полициска опсада

–Страв ми е да излезам во чаршијата по трократното убиство и фактот што убиецот е сеуште на слобода. Еден другар бил во градскиот парк синоќа а полицајци му рекле бегај накај центарот кај што има народ. Врие од полиција што се вели, се чешла цело Кавадарци и пошироко, се пребарува насекаде, пишува Дневник.

Ова го вели млад кавадарчанец за Дневник, а полициски извори потврдуваат дека засилено полициско обезбедување има во Кавадарци по вчерашното трократно убиство кога кавадарчанец ги застрела родителите и сестрата на својата сопруга која покренала бракоразводна постапка.

Веднаш по убиството полицијата разговарала и со блиски роднини и пријатели и колеги на убиецот посетувајќи ги нивните домови, интересирајќи се каде биле за време на убиството, дали знаат нешто во врска со убиецот и слично.

Исто така, биле обезбедувани неколку домови во Кавадарци, за чии сопственици исто така постоел страв да не бидат нападнати. Некои од нив биле во конфликт со убиецот а други биле поврзани со бракоразводната постапка со неговата сопруга.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.