Ниска облачност и локална магла по котлините, а умерена облачност на повисоките места се очекуваат во текот на утрото и дел од претпладнето денеска. Според МЕТЕОПРО попладне во поголем дел од земјата ќе има пријатно, претежно сончево и релативно топло време. Вечерта ќе ја врати слабата магла во дел од котлините.
Утрото ќе биде посвежо од претходното. Минималната температура ќе биде во границите од 5°С до 10°С.
Се очекува натпросечна максимална температура за овој дел од годината. Таа ќе има вредност околу 16°С во северната половина на земјата. Во југозападниот регион максималната ќе достигне до 17°С, а најтопло ќе биде на југоисток, каде максималната температура на воздухот ќе има вредност до 19°С.
Во скопското подрачје утрото започнува со магловито време. Кон средината на денот се очекува „расчистување“ на маглата и ниската облачност, а со тоа ќе се создадат услови за малку посончево време. Вечерта повторно се очекува слаба магла. Минималната температура ќе има вредност околу 5°С. Дневниот максимум на температурата на воздухот ќе достигне 17°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
