25 години од падот на Берлинскиот ѕид (Фото)

Во германскиот главен град Берлин денеска ќе се одржи централната манифестација во одбележувањето на 25-та годишнина од уривањето на Берлинскиот ѕид, кој беше симбол на поделбата на Европа во текот на Студената војна.

На свеченоста ќе учествуваат голем број германски политичари, меѓу кои и претседателот Јоахим Гаук и канцеларката Ангела Меркел, како и повеќе гости од странство.Меѓу нив и последниот лидер на СССР Михаел Горбачов. Горбачов вчера од балкон гледаше кон Брандернбуршката порта и плоштадот Паризер плац.

Претпладнево Гаук ќе го посети Меморијалниот комплекс во улицата „Бернауер“, каде во знак на сеќавање е зачуван дел од Ѕидот. Гаук ќе положи цвеќе за загинатите при обидите за бегство на Запад и ќе присуствува на литургија во блиската црква.

Берлин се сеќава на оние кои загинале на ѕидот палејќи свеќи и со цвеќе на комеморативни крстови на импровизираниот 15 километарски ѕид од светла наредени долж линијата на која се наоѓал ѕидот.

Светлечкиот ѕид , креиран од 6880 светлечки балони, вечерва ќе се вивне кон небото, со што симболично ќе биде прикажано неговото исчезнување, проследено со бетовеновта Ода на радоста изведена од симфониски оркестар пред Бранденбуршката порта ќе ја свири Одата на радоста од Бетовен.   

Во изложбениот дел на комплекстот во „Бернауер“, канцеларката Меркел ќе отвори излоба под наслов „1961-1989. Берлински ѕид“, а во концертната сала на плоштадот „Жандармнмаркт“ ќе се одржи свечена академија.

По повод уривањето на Ѕидот, вчера во Берлин се одржа научна конференција под насив „Паѓањето на ѕидовите“. Германската канцеларка Ангела Меркел нагласи дека пред 25 години жителите на германскиот главен град „создавале историја“.

– Човековиот стремеж кон слободата не може да биде потискуван долго време, нагласи Меркел, додавајќи дека „за добивање на слободата е потрена храброст, но храброста е потребна и за да се користи слободата“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.