Една двојка од Пенсилванија е обвинета дека можеби го сториле најбруталното убиство кое се случило во САД. Тие три дена мачеле тригодишно дете, за на крај да го убијат со тава.
Џулијн Тајт (31) и нејзиниот партнер Гери Ли Феленбаум (23) го убиле тригодишниот Скок Мекмилан и брутално го претепале неговиот постар брат.
Скок го обесиле за нозе, го соблекле гол, му се смееле, го камшикувале и на крај го тепале со тава додека несреќното дете не починало.
Обвинителот Томас Хоган изјави дека ова е „американска хорор приказна“ и не ја криел својата запрепастеност од бруталното убиство.
– Ова е чин на болна извитопереност и не се опишува – изјави тој.
Постариот брат на Скот изјави дека тие цело време му се смееле и уживале додека го претепувале дететото. Откако го убиле, заминале на шопинг.
Инспекторите не пронашле траги на алкохол или наркотици кај двајцата злосторници, а тужителот изјавил дека тоа е „уште поголем доказ дека овие двајца се олицетворение на чисто зло“.
Двојката живеела заедно еден месец. Чудна е целата ситуација, бидејќи во иста куќа живеееле Џулијан и Гери, малиот Скот и неговиот шестгодишен брат, потоа вонбрачната сопруга на Гери и нивната 11-месечна ќерка. Сите шестмина живееле во приколка во Коствил, на 50 километри од Филаделфија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
