Новинарот на косовската телевизија „Клан“, Миљот Хашимја, денеска бил избоден со нож во просториите на редакцијата на телевиската куќа.
Телевизијата информира дека напаѓачот влегол во редакцијата и со нож го нападнал Хашимја на неговото работно место.
Веднаш по инцидентот, косовската полиција го уапсила напаѓачот, а Хашимја е пренесен в болница, каде што по укажаната медицинска помош е утврдено дека тој е надвор од животна опасност.
Косовските медиуми наведуваат дека Хашимја, најверојатно, бил нападнат бидејќи не било исполнето барањето на напаѓачот телевизијата да избирше едно видео од „Јутјуб“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
