Шведската енергетска компанија „Ватенфал“ соопшти дека планира до 2014 година да отпушти околу 2.500 работници, заради заштеда на 703 милиони долари поради падот на побарувачката на електрична енергија и намалувањето на цените на тој енергент.
Во соопштението се нагласува дека повеќето работни места ќе бидат укинати во Германија и оти околу 1.500 работници ќе бидат отпуштени во Берлин, Хамбург и Корбус. Околу 400 работни места ќе бидат укинати во Холандија, а исто толку и во Шведска.
Соопштението за отпуштање работници го објавија директорот на „Ватенфал“, Ојстен Лосет, и шефот на финансии Ингрид Боде, кои се состанаа со претставници на Европскиот работнички совет на оваа компанија.
Кон крајот на минатата година шведската компанија вработуваше околу 32.800 лица.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
