Министерство за правда: Прифатливи се забелешките на Венециската комисија

Министерот за правда, Аднан Јашари, на денешната прес-конфренција истакна дека покрај бракот во нацрт-амандманите за уставни измени посебно место во јавната расправа имаа и другите предлог-амандмани како тој со кој се уредува материјата за меѓународните финансиски зони, во сферата на финансиите, јавниот долг и буџетскиот дефицит и прифатени се забелешките и мислењето на Венециската комисија.

Јашари посочи дека еден од врвните приоритети на Владата е создавање нормативни предуслови за натамошно засилување на независноста на судството.

За таа цел се и предложените решенија во нацрт-амандманот со кои од составот на Судскиот совет се изоставуваат министерот за правда и претседателот на Врховниот суд како членови по функција.

-Би сакал да ве известам дека сугестијата на Венециската комисија за тоа дека членовите избрани од Собранието и предложени од претседателот на РМ не треба да бидат од редот на активните судии е прифатлива и ќе биде инкорпорирана во текстот со предлог-амандманите – изјави Јашари.

Тој додаде дека еден од најзначајните амандмани е тој со кој се уредува материјата и за уставната тужба и во тој контекст сугестиите на Венецијанската комисија е прифатено постапката пред Уставниот суд да биде уредена со соодветен закон.

Во однос на амандамните што се однесуваат на Државниот завод за ревизија и тој на Народната банка, министерот за правда истакна дека тие се поздравени и за нив нема суштински забелешки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.