Епидемијата на еболата и натаму се шири низ Гвинеја, Сиера Леоне и Либерија, соопшти денеска Светската здравствена организација (СЗО).
Заменик-генералниот директор на СЗО, Брус Ејлвард, изјави дека од ова заболување досега починале 4.447, а се заразени 8.914 лица, прогнозирајќи дека до крајот на неделата бројот на заразени може да надмине 9.000.
– И покрај тоа што во некои од најсилно зафатените региони има знаци на забавување на темпото на ширење на заразата, болеста сега зафаќа повеќе области отколку пред еден месец – рече тој во седиштето на СЗО во Женева.
Во некои региони се забележува слабеење на болеста, но тоа не значи дека таа е на пат да исчезне, предупреди Ејлвард.
– Избрзано ќе биде забавувањето во некои регони да го сметаме за успех – додаде тој.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
