По 550 денари повисоки февруарски пензии добија денеска 286 илјади пензионери во Македонија. Министерот за финасии, Зоран Ставрески, се пофали дека Владата го реализира ветеното.
– На овој начин директно го помагаме животниот стандард на пезионерите. Секако, средствата никогаш не се доволно, но секое зголемување во вакви тешки времиња значи многу. Ние тоа го ветивме и го реализиравме – изјави Ставрески по средба со Сојузот на здруженија на пензионери.
Тој најави дека Владата планира да ја продолжи политиката на зголемување на пензиите и наредните две години, но тоа ќе биде условено од општите економски услови.
Ставрески потсети дека освен зголемувањето на пензиите, во изминатиот период се реализирани и низа мерки со кои се подобруваат условите за живот на пензионерите, како што се намалувањето на цените на лековите, обезбедувањето на бесплатниот престој во болниците и бесплатниот јавен превоз.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
