Норвешкиот министер за надворешни работи Борг Бренд синоќа изјави дека на меѓународната донаторска конференција за обнова на Појасот Газа по седумнеделната војна меѓу Израел и Хамас, се ветени 5,4 милијарди долари.
Тоа е многу повеќе од поставената цел од четири милијарди долари. На вчерашната еднодневна конференција учествуваа претставници на 50 земји и 20 регионални и меѓународни монетарни и хуманитарни организации.
Катар најави помош од една милијарда долари, а Обединетите Арапски Емирати, Кувајт и Турција по 200 милиони долари.
Американскиот државен секретар Џон Кери најави 212 милиони, а ЕУ 568 милиони долари.
За време на 50-дневната војна меѓу Израел и Хамас загинаа 2.200 Палестинци, во најголем дел цивили и околу 11.000 се повредени, додека над 100.000 се без покрив над глава. На израелска страна загинаа 73 лица, во најголем дел војници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
