Поранешниот претседател на Советскиот Сојуз, Михаил Горбачов (83), се наоѓа во болница, но вели дека е решен да се бори за својот живот, објавија денеска руските агенции.
– Состојбата на моето здравје веќе една недела е променлива и од денеска сум во болница. Здравјето ми се влоши – изјави Горбачов, објавија „Риа Новости“, а пренесува АФП.
Тој рече дека неговата состојба се следи на медицински апарати, но не е прецизирана причината за болеста ниту во која болница се наоѓа.
– Мојот карактер ви е познат, одлучен сум да се борам за својот живот – вели Горбачов.
Последниот лидер на некогаш големиот Сојуз минатата година беше хоспитализиран во јуни, но поради систематски преглед. Според извештаите на медиумите, Горбачов има проблеми со дијабетес.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
