Претседателот на ССМ: Привремено ќе се затворат фирмите кои нема да исплаќаат минимална плата

Се заострува казнената политика за газдите кои нема да го почитуваат Законот за минимална плата. Според претседателот на Сојузот на Синдикати на Македонија, Живко Митревски – до сега , според нивните сознанија минимална загарантирана плата од 8.050 денари не исплаќаат 8% од работодавачите. Затоа, Синдикатот предложил, а Социо- економскиот совет прифатил измени во законот, каде казните за газдите ќе се зголемат до 100 отсто.

Исто така се предвидува и затворање на фирмата во одреден рок . Митревски во емисијата Бројки на Радио Слободна Македонија вели дека се уште не е точно дефиниран рокот, но најверојатно фирмите ќе бидат затворени 15 дена, а работодавачите после тоа, ако сакаат да продолжат да работат, ќе мора да ја исплаќаат загарантираната со закон плата.

Според Митревски – најголемиот дел од компаниите веќе исплаќаат и регрес за годишен одмор, а оние компании кои не го сториле тоа – имаат рок до крајот на годината да им исплатат на своите вработени К-15. За оние газди кои ќе им исплатат, а потоа бараат парите да им бидат вратени од страна на работниците – ќе одговараат кривично. Еден од приоритетите за следниот период на синдикалниот лидер и воведување регрес за годишен одмор и за вработените во јавната администрација. И покрај тоа што биле блииску до договор со Владат, за ова прашање се уште нема договор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.