Американски војник украл гориво во вредност од 400.000 долари од база во Авганистан

Американскиот војник Александар Свим ја признал вината на суд за кражба на гориво во вредност поголема од 400.000 долари од една база во Авганистан, соопштили американското обвинителство.

Во обвинението се наведува дека 25-годишниот Свим во текот на девет месеци во 2012 година во повеќе наврати испраќал странски возач до складиштето за гориво во базата Шаран во Авганистан, му дозволувал да го наполни резервоарот и да си оди, пренесува „Асошиетед прес“.

Во текот на тие девет месеци од американската воена база се украдени повеќе од 681.000 литри гориво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.