Бојко Борисов ги доби изборите, Бугарија без услови за стабилна влада

Поранешниот бугарски премиер Бојко Борисов и неговата партија на десниот центар ГЕРБ водат на предвремените парламентарни избори во Бугарија, покажуваат првичните резултати.

Последните информации се дека ГЕРБ добила поддршка од 32,61% со што би освоила околу 90 пратенички места со Парламентот, БСП – Лево Бугарија – 15,27%, ДПС – 14,96%, Реформистичкиот блок – 8,87%, Патриотски фронт – 7,32, Бугарија без цензура – 5,58%, Атака – 5,56%, АБВ – 4,18 %.

Овие бројки покажуваат дека Борисов, и покрај победата, нема да може сам да формира влада и ќе треба повторно да коалицира. Бугарските социјалисти освоија повеќе од 16 насто од гласовите, а шест помали партии успеале да го минат прагот од 4 проценти за да имаат свои пратеници во парламентот.

Изборите следуваа откако владата предводена од социјалистите во јули годинава поднесе оставка по протестите и тешката криза во банкарскиот сектор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.