Најновите статистички показатели околу популарноста на одделни литературни жанрови во Шведска претставуваат уште една потврда за доминантните читателски трендови во земјата на Нобеловата награда за литература, јави дописникот на МИА од Гетеборг.
Швеѓаните најчесто купуваат и читаат криминалистичка литература.
Четириесет и три проценти од шведските читатели преферираат таков вид литература, а за што потврда можеше да се најде и на минатонеделниот Саем на книгата во Гетеборг, најголема книжевна манифестација во Скандинавија со повеќе од 100.000 посетители.
Статистиката, исто така, покажува дека меѓу шведските читатели 34 отсто се определуваат, пред сѐ, за уметнички романи, 9 проценти читаат биографии, 3 проценти стручна литература, додека 2 процента избираат дела на класични автори.
Шведската криминалистичка литература во последниве доцении се наметна како феномен во глобални рамки. Книгите на Стиг Ларсон, Камила Лекберг, Лиса Марклунд и Арне Дал се преведени на голем број јазици во светот со огромни тиражи, а на нивните автори им донесоа милионски суми зароботувачка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шведскиот Парламент не ја изгласа предложената коалициска малцинска влада
-
„Антолог“ објави два историски романи од исландски автори: „Сага за Јон“ и „Солзите на ангелите“
-
Зошто Шведска е најдобра земја за живеење?
-
Промоција на „Збирка воздишки збрани од ливадата на стиховите“ од Сандра Авросиевска и изложба на Васко Ташковски во Паркот на книгите
