Џихадистите на Исламската држава убиле девет курдски борци, меѓу нив и три жени. На сите им ги отсекле главите, а главите на жените потоа ги изложиле, фотографирале и фотографиите ги објавиле на социјалните мрежи.
Сириската опсерваторија за човекови права информираше за група од девет курдски борци на кои милитантите од исламската држава им ги отсекле главите. Исламистите на своите социјални мрежи ги објавиле главите на убиените жени, поставени на цементен блок. Сè уште се чека потврда на автентичноста на спорните фотографии.
Кон средината на септември курдските сили биле опколени кај сирискиот град Кобани. Токму таа борба го покрена најголемиот егзодус во сириската граѓанска војна, па повеќе од 160 илјади луѓе пребегаа во Турција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
