Адеми: Никој во Македонија не смее да ги повика децата да не одат на училиште

– Никој во Македонија не смее да ги повика децата да не одат на училиште – изјави Абдулаќим Адеми, минситерот за образование и наука.

Според него, местото на учениците е во училишните клупи.

– Законот дефинира дека основното и средното образование се задолжителни и мора да се исполнат 180 работни дена. Според Законот за основно и средно образование на Република Македонија се предвидени и глоби за родителите ако нивните деца не одат на училиште. Најверојатно, изјавата на директорката беше по повод повикот на претседателот на СОНК, кој ги повика учениците и родителите в понеделник да не одат на настава. Мислам дека тоа е погрешна изјава на претседателот на СОНК. Никој во Македонија не смее да ги повика децата да не одат на училиште. Местото на учениците е во училишните клупи, Не велам дека нивните барања се прифатливи или дека треба да бидат прифатени, но сметам дека со дијалог може да се расчистат сите отворени прашања. Јас ги поканив и имав еднаш средба со нив, но, за жал, таа средба заврши брзо и неуспешно. Ние остануваме отворени за средба, зависи од нив – изјави Адеми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.